2010 | Tamil Kavithaikal

அழகிய பெண் அவள்

பவ்ய பாவையாய்

என் பைக்கில் வந்தவள்

கால்மேல் கால் போட்டு

கேள்வி கேட்கிறாள்

ஒய்யாரமாய்!

நான் வாங்கிவரச்சொன்ன

ஐஸ்கிரீம் எங்கே என்று

மாட்டிக்கொண்டேனே

அறியாமல் மாங்காய் பறித்த

சிறுவன் போல்

கைகட்டி அவள் முன்னே நான்

இவள் அப்பன் என்ன

பதினெட்டுபட்டி நாட்டாமையா

பெரிதாய் பஞ்சாயத்து செய்கிறாள்

வண்டிமேல் உட்கார்ந்து

கைகளில் தந்தது போதாதென்று

கால்களை வேறு ஆட்டிக்கொண்டிருக்கிறாள்

என்னிஸ்டம் கொண்டா சென்றேன்

இவளிஸ்டம் வாங்க

எப்படிச் சொல்லுவேன்

புதுமையாய் பதுமை

கைகளில் ஐஸ்கிரீமுடன்

புன்னகையாய்

கடந்து செல்கிறாள்

என் மனம் உறுகியது

வெப்பத்தின் தாக்கத்தால்

அவள் ஐஸ்கிரிம்

உறுகியதைவிட

என் இதயமே விழுந்தது

சாப்பிடத் தெரியாமல்

அவள் சாப்பிட்டு விரல்களில் எல்லாம்

விழுந்தவை கண்டு

உனை எங்கு நினைத்தேன்

அவள் ஐஸ்கிரீம் உறுகியதில்

நானும் உறுகினேன்

என் கையில் இருந்த

உன் ஐஸ்ம் உறுகியது

உண்மையில் ஓர் அழகியை

இன்றே கண்டேன்

பல நன்றை அவளில்

ஒன்றாய் கண்டென்

எல்லாம் உறுகியதென்று

எப்படிச் சொல்லுவேன்

எப்படி அவளை மீண்டும் பார்ப்பேனொவென

நானெ நினைத்திருக்க

எப்படி கண்டுபிடித்தாய்

தினம் ஓர் ஐஸ்கிரீம்

வேண்டுமென்றாயே!

பெண் மனம்

பெண் மனம்

பெரும் ஆழ்கடல்

ஒத்திசைந்தால் முத்(தம்)தெடுக்கலாம்

மாற்றிசைந்தால்

பித்தெனெனப் பெயர் எடுக்கலாம்

உலகுக்கும் விடை கொடுக்கலாம்

கலைஞனின் வருமை

வீட்டினில் வருமை!

இருந்தும் எழுதுகிறான்

அறுசுவையில் பாடல்!

வயிற்றினில் குறையிருந்தும்

வரியினில் குறைவின்றி

எழுதுகிறான் பாடல்!

கலை இவன் நிலையறிந்தும்

எட்ட நிற்கும் நிலை!

என்று மாறுமோ கலைஞனின்

இந்நிலை!

தினம் உன்னை பார்க்க வேண்டும்

தினம் உன்னை

பார்க்க வேண்டும்

என்பதற்காகவே

டியூசன் எடுக்கிறேன்

நடத்துனர் பையன்களுக்கு

ஜன்னல் ஓர இருக்கை வேண்டி

நடிப்பும் தானகவே வருகிறது நீ வேண்டுமென்று

உடைந்துபோன உன்

வளையல்களை

மேஜையில் கண்டதால்

அம்மாவிடம் கன்னத்தில் அறை

நீயே விளையாட கொடுத்துவிட்டு

அறைகிறாயேயென

அழுகையில் நான்

குழந்தை பருவத்தில்

அவள் கொடுத்த வளையல்கள்

இவையென்றென்னி

சங்கடத்தில் சென்றுவிட்டால்

எனதருமை தாய்!

நடிப்பும் தானாகவே வருகிறது

நீ வேண்டுமென்று!

அவள் கடைக்கண் பார்வையில்

சிறுவயதில்

ஒளிந்து விளையாடும்போது

நான் வருகிறேனாவென

மெல்ல தலைநீட்டி

கண்களில் அங்குமிங்கும்

தேடியவள் - இன்று

மீண்டும் எனை சிறுவயதிற்கே

அழைத்துச் செல்கிறாள்

அவள் தந்தையுடன் செல்லும்போது

திரும்பிப் பார்த்த

அவள் கடைக்கண் பார்வையில்

ஹார்மோன் மாற்றம்

தந்தை வரவில்லையென்று

தானும் உண்ணாமல் உறங்காமல்

அழுது காத்துக்கிடந்தவள்

இன்று தானில்லாமல்

தந்தை உண்ணாமல் உறங்காமல்

அழுதுகிடக்க வைக்கிறாள்

பூக்களின் வேதனை

உங்கள் ம(ண)னம் கொண்டவர்கள்

சுவாசத்திற்கு - எங்கள்

வாசம் வேண்டுமென்று

பிரித்து செல்லாதீர்கள்

எங்கள் உயிரின் நேசத்தை!

மீண்டும் வா - நான் தெளிந்திட வா!

சலனமற்றுக் கிடந்த

என் மனக்குளத்தில்

உன் பார்வை கணையை

எய்துவிட்டு சென்றவளே

கலங்கி கிடக்கிறேன்

உன் கணையலைகளால்

மீண்டும் வா - நான்

தெளிந்திட வா!

காதலி கரைகிறாள் - காகம் கரைகிறது

அம்மா சொல்கிறாள்

எழுந்திரு

காகம் கரைகிறது

உறவினர் வரலாம்

வண்டி நிறுத்தம் செல்லென்று!

என் தாய்க்கு தெரியுமா

உன் பாட்டி சுட்ட வடைகளை

எனை அழைக்க

உன் தந்தைக்கு தராமல்

என்வீட்டுமேல் எறிந்தவள் நீயென்று!

உறவுகள்

தண்டவாளத்தின்

இணைகோடுகள்

ஒன்றிணைந்தாலும்

ஒன்று பிரிந்தாலும்

பயணம் இரத்தாகும்!

லப் டப்

என்னுள் இருக்கும்

நீ கேட்க

என் இதயத்தின்

மெல்லிசை

அவளின் நினைவுப் பரிசு

பெண்ணே

என்றும் எதிலும் நீயாக

நினைவுகளில் இருக்கிறாய்!

அன்றொரு நாள்

சந்தையில் - நீயென

உன் அக்கா

தோள் தொட்டுவிட்டேன்!

பின் என்ன

உன் வீட்டு காய்கறிகளை

தூக்கி வந்தேன்

கூலிக்காரனாய்!

உன் வீட்டு முற்றத்திற்கு

ஒரு ரூபாய்காக!

பிரிவு

இருவரும் ஒருவராய்

ஓர் பாதையில்!

பிரிகிறது

இருவேறு பாதைகளில்

மாற்றம் வேண்டி!

அழுகை

நெஞ்சத்தில்

பூகம்பம்!

கண்களில்
சுனாமி!

இடநெருக்கடி

இரவு மணி பத்து

மகள் கணவருடன்

அப்பா வீட்டில்!

வீட்டு திண்ணையில்

அப்பா! அம்மா!

விருதுகளுக்காக வாழவில்லை

புகழுக்கு வாழ்பவரல்ல இவர்

கிடைத்த புண்ணியம் தொடர வாழ்பவர்

தகுதிக்கு தந்திருப்பின்

இருபதுகள் முன்பே

தந்திருக்க வேண்டும்

விரல் சப்பும் சிறுவனுக்கு

விருதெனும்போது

அவன் நடக்க கற்றுத் தந்தவனுக்கு

விருதில்லாமல் போனால்

சாலையில் பைத்தியமாய்

திரிபவனும் சாணியெறிவானென

இவ்விருது!

********
(உயர் விருதுகளை மதிக்கிறோம். தரும் விருதுகளை காலத்தே திறமையறிந்து கொடுங்கல். குற்றம் சொல்வார்களேயென தராதீர்கள் - இது யாரையும் புண்படுத்துவதற்காக அல்ல. காலத்தேகிட்டா எதும் பயன்தராதென நம்பும் மக்களின் கருத்து)

தமிழன் என்று சொல்லடா

தமிழன் என்று சொல்லடா

தலை நிமிர்ந்து நில்லடா

உனக்கு முன்னே பலபேரடா

இவர்களில் நீயும் வந்து நில்லடா

பாரும் வியக்கும் பாரடா

காத்திரு!

வெள்ளம் வந்தால்

கரையில் ஊறும் எறும்பும்

இரையாகும் மீனுக்கு

வெள்ளம் ஓய்ந்தால்

அம்மீனோ இரையாகும் எறும்புக்கு

காலங்கள் மாறும்

ஏற்றங்கள் மறையும்

தடங்கல்கள் அகலும்

வழிகள் பிறக்கும்

காத்திரு!

அவளின் முத்தம்

உலக வங்கியிடம்

நிற்பதைப்போல் நான்

மொத்தமாய் வேண்டாம்

சொச்சமாயாவது தா

சொர்கமாய் ஏற்கிறேன்

மலர்ந்தும் மனக்கவில்லை

மலர்ந்தும் மனக்கவில்லை

அவள் வைத்த மல்லிகை

அவள் ம(ண)னக்க மறந்ததால்!

சுமை

சிறைபட்டுக் கிடக்கும் குடும்பம்

சிறியவனின் தலையில்

பெரியவர்களின் பாரம்

தொலைக்காட்சித் தொடர்

சமூகத்தில்

தொலைந்த பல காட்சிகளை

தினம் காட்டி

உறவுகளில் பிரிவுகளை தெளித்திடும்

காட்சித் தொடர்

நான் உஷ்ணமாக!

பெண்ணே

குளிரில் நான் நடுங்கும்போதெல்லாம்

உன்னை மட்டும் நினைத்துக்கொள்கிறேன்

வேண்டுமென்றே திட்டிப்பிரிந்த

உன் வார்த்தைகளின் நினைவுகளால்

நான் உஷ்ணமாக!

வண்ண மலர்களும் காத்திருக்கிறது

வண்ண மலர்களும் காத்திருக்கிறது

உன் கூந்தலில் தவழ

நானோ குழம்பி நிற்கிறேன்

எந்நிற ஆடையில் நீ வருவாயென

மலர் விற்பவளோ பார்வையிலே

என்னை சுட்டுவிடுகிறாள்

உன் ஆடையின் நிறத்தில் இல்லையென்று

நான் திருப்பித்தந்த மலர்களை

பார்த்தபோது!

*******
நன்றி - தம்பி (சக்கரை குட்டி) கவிதை

கவிதையே உனக்கும் தெரிந்துவிட்டதா

கவிதையே

மகிழ்ச்சியில இருக்கும்போது

பலமுறை அழைத்திருக்கிறேன்

நன்றாய் இருக்குமென்று! - நீயேன்

எப்போதும் சோகத்தல் இருக்கும்போதே வருகிறாய்

உனக்கும் தெரிந்துவிட்டதா

ஆறுதலுக்கு ஒருவருமில்லையென்று

மதுவிலக்கு

வீட்டில் கூரையாய்

வேலியில் தடுப்பாய்

பந்தலில் எடுப்பாய்

தெய்வத்திற்கு படைப்பாய்

என் உடல் குளிர்ப்பாய்

விருந்திற்கு இனிப்பாய்

என் வாசலுக்கு பெருக்காய்

என அனைத்தும் நன்மைதர

உன் பதநீரேன் விலக்கானது!

ஓ உன் பதநீர் விட்டால்

பண நீர் கிட்டாதென்றா

இதில் மட்டும் விலக்கானாய்!

ஜோதியிழந்து நிற்கும் யார் இவர்கள்?

இறைவனின் பெயரால் ஆசிரமங்கள்

ஆன்மீக உணர்வுகளை

வளர்க்கவேண்டிய இவர்கள்

வளர்த்துக்கொண்டிருக்கிறார்கள்

ஆண்களில் உணர்வுகளை!

இவர்கள் சாமியார்களல்ல

சாமி யார் இவர்கள்?

ஜோதியில் ஐக்கியமாவோமென்றுசொல்லி

ஜோதியிழந்து நிற்கும் யார் இவர்கள்?

கடவுள்களின் லீலைகள் போய்

கயவர்களின் லீலைகள்

கடவுளின் பெயரில்!

கருணையின் உருவம்

இன்பத்தை கருவாக்கினால்

இதயத்தை கல்லாக்கினால்

இறக்கமின்றி சிசுவை

வீதியிலெறிந்தால்

பிள்ளையை பெற்றவள்!

இதயமே கருணையாய்

இறைவனின் அவதாரமாய்

இல்லத்தின் வாசலைத் திறந்தாள்

தேசம் போற்றும் தாய்

அன்னை தெரசா!

*******
நன்றி - தம்பி (சக்கரை குட்டி) கவிதை

ஜனநாயகம்

மக்களுக்கு ஊழியம் செய்வதாய் கூறி

அரசின் ஊழியர் மக்களிடம்

அட்டூழியமாய்

வாங்கிக் குவிக்கிறார்கள்

பலவகையில் ஊதியம்!

தட்டிக்கேட்கவேண்டிய தலைமையோ

கையூட்டு தந்தே

கையில் ஓட்டுபெற்றேன்

பலமுறையென்கிறார்

முரண்பாடு

நாணயமானவர்கள் தேவை

ஓர் வட்டிக்கடை

விளம்பரம்

நான் என்ன செய்வேன்

நிலவே
நீயும் படித்தாயா
என் காதலியிடமிருந்து!

ஏன் இப்படி ஓடுகிறாய்

காண்பவரெல்லாம்
வெட்கத்தில் ஓடினாள்
நான் என்ன செய்வேன்!

சத்திரம் தேடி

என் கன்னத்தில் பதிந்த முத்தம்
என் உடலெங்கும் தொடர!

வான்மகள் முத்தமழை - சொரிந்துகொண்டிருந்தால்!

மின்னலென
கண் விழித்து பார்த்தால்!

என் அங்கம் மறைத்திருந்ததோ
ஓர் கந்தல் துணி!

எள்ளி நகையாடினால் இடியென!

வெட்கத்தில் நிலவு மகளும்
அடைக்கலம் புகுந்தால்
மேகமகளிடம்!

ஓடினேன் சத்திரம் தேடி !

என் சாலையோர தூக்கத்தை மழை கலைத்ததால்!

*******
நன்றி - தம்பி (சக்கரை குட்டி) கவிதை